АҚШ ва Корея Республикаси Ҳарбий-ҳаво кучлари биргаликда Гуам оролида жойлашган Американинг иккита B-1B Lancer стратегик қирувчиси иштирокида қўшма ўқув машғулотини ўтказди. Бу ҳақда Yonhap агентлигига таяниб, «ТАСС» хабар берди.
Ўқув машғулоти Корея Республикасининг Канвондо провинциясидаги полигонда бўлиб ўтган. Шунингдек, машғулотда корейсларнинг F-15K ва F-16 қирувчилари ҳам ҳаракатга келтирилган. Ҳаракат сценарийсига кўра, учувчилар КХДРнинг асосий объектларига зарбалар беришни машқ қилди. Корея Республикаси Ҳарбий-ҳаво кучлари қўмондонлигининг таъкидлашича, машғулот жараёнлари Пхеньяннинг ракета синовига жавоб ҳисобланади.
4 июль, сешанба куни КХДР марказий телевидениеси биринчи минтақалараро «Хвасон-14» баллистик ракетасининг синови муваффақиятли ўтганини маълум қилди. 5 июль куни эса БМТ Хавфсизлик кенгаши Корея ярим оролидаги вазият юзасида фавқулодда йиғилиш ўтказган эди. Унда АҚШнинг БМТдаги доимий вакили Никки Хейли Пхеньянга қарши куч ишлатиш борасида таҳдид қилган, шунингдек, мамлакатга қарши санкциялар бўйича резолюция тайёрланиши ҳақида хабар берганди.
Изоҳ (0)