Ўзбекистон Мустақиллигининг 26 йиллиги тантаналаригача Тошкент Жанубий вокзали тубдан таъмирланиши ҳақида аввалроқ хабар берилган эди. Янгиланадиган Жанубий вокзал қандай бўлишига «Darakchi.uz» эътибор қаратди.
«Ўзбекистон темир йўллари» АЖдан хабар беришича, вокзални қайта таъмирлаш зарурияти йўловчи поездларининг янги йўналишлари юзага келиши ҳамда йўловчилар оқимининг ошиши билан юзага келди.
Бинонинг фасад қисмининг архитектура ечими «Боштранслойиҳа» АЖ лойиҳалаштириш ташкилоти томонидан Франциянинг MB architects архитектура бюроси билан ҳамкорликда ишлаб чиқилган. Бино замонавий халқаро талаблар асосида лойиҳалаштирилмоқда. Вокзалда янги йўловчи перронлари ва ерости йўллари кўзда тутилган.
Вокзални қайта таъмирлаш учун, тахминан, 25 миллиард сўм сарфланиши режалаштирилган. Қурилиш ишларида 250 киши иштирок этмоқда, шундан – 5 прораб, 7 – етакчи муҳандис технологлар, 238 – турли ихтисосликдаги қурувчилар. Шунингдек, қурилиш ишларига 100 дона техника жалб қилинган.
Очилишдан сўнг янгиланган вокзалнинг ўтказиш қобилияти ўртача 11000 йўловчини ташкил қилади. Бу эса ўз навбатида Марказий «Тошкент» вокзалининг бандлигини 40 фоизгача камайтиради.
Изоҳ (0)