Украина президенти Пётр Порошенко мамлакат ҳудудида Россиянинг «ВКонтакте» ижтимоий тармоғини блоклаш ҳақидаги қарорни бекор қилиш бўйича тўпланган петицияни рад этди. Президент сайтида жойлаштирилган петицияни 25 минг киши имзолаган эди, деб хабар беради Meduza.
Петицияга жавобан Порошенко «ВКонтакте» ҳамда Россиянинг бошқа блокланган сервислари Россия махсус хизматлари томонидан пропаганда ҳамда Украина ва унинг фуқароларига қарши махсус ахборот операциялари ўтказиш учун ишлатилишини таъкидлаб ўтди.
Ижтимоий тармоқлардан ғараз мақсадларда фойдаланишга мисол сифатида давлат раҳбари Львов вилоятидаги «сохта» норозилик чиқишларини, шунингдек, айрим россияликлар сохта аккаунтлар ёрдамида Украинада тартибсизликлар келтириб чиқаришга уринишини келтириб ўтди.