«Иванушки International» гуруҳининг собиқ солисти Олег Яковлев 29 июнь тонгида оламдан ўтди. Бу ҳақда «РИА Новости»га қўшиқчининг рафиқаси Александра Куцевол маълум қилди.
«Бугун соат 7:05 да ҳаётимдаги инсоним, менинг фариштам, менинг бахтим оламдан ўтди… Энди мен сенсиз нетаман?.. Парвоз эт, Олег! Мен доим сен билан», — деб ёзади Александра Instagram’даги саҳифасига.
Аввалроқ, Куцевол Яковлев оғир аҳволда жонлантириш бўлимида эканлигини, шифокорлар унга икки томонлама зотилжам ташхиси қўйганлиги ҳақида хабар берганди.
Олег Яковлев гуруҳ таркибида 1998—2013 йилларда куйлаган, шундан сўнг яккахон ижод қилишга ўтган эди.
Изоҳ (0)