ИШИД гуруҳининг бир қанча етакчиси ташкилот аъзоларидан бири ўзини портлатиб юбориши оқибатида яраланди. Бу ҳақда, Iran Front Page нашрига асосланиб, «Интерфакс» хабар бермоқда.
25 июнь, якшанба куни ИШИД худкушларидан бири гуруҳнинг олий мартабали қўмондонлари ёнидалигини ўзини портлатиб юборди. Улар Сурия чегараси яқинидаги ал-Қаим шаҳрида мажлис учун тўпланган эди.
Гуруҳнинг бир қанча етакчилари ҳалок бўлди, айримлари яраланди.
Ироқнинг ал-Анбар вилояти хавфсизлик хизмати ходимларининг айтишича, мазкур акт ИШИД охирги пайтларда кўп мағлубиятга учраётганининг натижаси бўлди. Жангариларнинг руҳий ҳолатига Ироқ армиясининг ал-Анбар вилоятини озод қилиш операцияси муваффақиятлари салбий таъсир кўрсатмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.