Венесуэланинг Каракас шаҳридаги ҳукуматга қарши намойишлар чоғида яна бир киши ўлдирилди, деб ёзади «Коммерсантъ».
22 ёшли Даниэль Хосе Вальенилга миллий боливар гвардияси ходими уч марта ўқ узган. Ярадорни касалхонага келтиришган, йигит операция чоғида вафот этган. Шу тариқа, норозилик намойишларида ҳалок бўлганларнинг умумий сони ҳозирда 75 кишига етди.
Венесуэлада оммавий намойишлар тўлқини март ойида мамлакат олий суди парламентдан қонун чиқарувчилик ҳуқуқини олиб, ўзига юклаганидан сўнг бошланди. Митинглар чоғида 1,3 мингдан ортиқ киши жабрланди, 3,1 мингдан зиёд киши ҳибсга олинди.
Изоҳ (0)