Аргентинада учувчи-хонанда Эсейса аэропорти иш маромини бузди. Cessna кичик самолётини бошқарган эркак кабинада тасодифан микрофонни ёқиб қўйиб, мамлакатда машҳур бўлган Despacito қўшиғини хиргойи қила бошлади. Бу ҳақда «Аргументи и факти» хабар бермоқда.
Учувчи қўшиқ сўзларини бузиб айтар, қолаверса, ора-орада сўкинар ва ҳазил-ҳузул қиларди. Буларнинг барчасини 15 дақиқа давомида аэропорт диспетчерлари ва бошқа самолётлар учувчилари эшитишга мажбур бўлди.
Қўнишга чоғланаётган лайнерлар командирлари эса диспетчерлар билан боғланиш учун бошқа алоқа частотаталарини қидиришга мажбур бўлди.
Учувчи эфирда бўлганини фаҳмлагач, ҳамкасблари олдида кечирим сўрашни бошлади. Ҳодиса аэропорт фаолиятида жиддий оқибатларга олиб келмагани билдирилмоқда.
Изоҳ (0)