Вашингтон Форс кўрфазида бошланган дипломатик инқирозни бартараф қилишда иштирок этишга тайёр. Бу ҳақда АҚШ президенти Дональд Трамп Қатар амири шайх Тамим бин Ҳамад ат-Таний билан телефон мулоқоти чоғида айтиб ўтди, деб хабар беради «ТАСС».
АҚШ президенти амир билан телефон орқали боғланиб, Вашингтон жараёндан хавотирдалигини билдирди ҳамда дипломатик жанжал оқибатларига қарши курашда ёрдам беришни ваъда қилди.
Муқаддам қатор араб давлатлари Қатар билан дипломатик алоқаларни узди. Улар қаторига бошқа давлатлар қўшилиб бормоқда. Жумладан, Саудия Арабистони, Баҳрайн, Миср, БАА, Яман, Ливия, Мальдив ороллари, Маврикий ва Комор ороллари Қатар билан дипломатик алоқаларини узган эди. Сенегал маслаҳатлашувлар учун Қатардаги элчисини чақириб олди. Ўз навбатида, Қатар араб давлатларининг дипломатик алоқаларни узиш ҳақидаги қарорини ноўрин деб баҳолади. Қатарга қарши санкциялар жорий этилиш эҳтимоли мамлакат аҳолисини озиқ-овқат захираларини тўлдиришга мажбур қилмоқда.
Бундан ташқари, Эрон Қатарга ўз ҳаво ҳудудида парвозлар амалга оширишга рухсат берди.
Изоҳ (0)