Терговнинг дастлабки маълумотларига кўра, Жанубий Кореядан беш нафар, хитойлик олти нафар боланинг ўлимига олиб келган автобусдаги ёнғинни унинг ҳайдовчиси уюштирган бўлиши мумкин. Бу ҳақда 2 июнь, жума куни «Синьхуа» агентлиги маълум қилди, деб ёзади «Интерфакс».
Агентлик ёнғин автобус ҳайдовчиси томонидан уюштирилган бўлиши мумкинлиги ҳақида қисқа хабар чоп этди, бироқ бошқа тафсилотларни келтирмаган.
Аввалроқ май ойи бошида Хитойнинг Шаньдун провинциясидаги туннелда кутилмаганда автобус ёниб кетганлиги ҳақида маълум қилинган эди. Болаларни Вэйхае шаҳридаги халқаро болалар боғчасига олиб бораётган автобусдаги ёнғин оқибатида уч ёшдан олти ёшгача бўлган 11 нафар бола, шунингдек, автобус ҳайдовчиси ҳалок бўлган.
Автобусда жами 23 киши бўлган.
Изоҳ (0)