Клинтон АҚШнинг Париж битимидан чиқишини «тарихий хато» деб атади

АҚШ президентлик лавозимига собиқ номзод Ҳиллари Клинтон АҚШ президенти Дональд Трампнинг Иқлим бўйича Париж келишувидан чиқиш ҳақидаги қарорини тарихий хато деб атади. Бу ҳақда у Twitter’даги саҳифасида маълум қилди, деб ёзади «РБК».

«Тарихий хато. Бутун дунё иқлим ўзгариши муаммоси бўйича олдинга ҳаракатланмоқда. Париж келишувидан чиқиш Америка ишчилари ва уларнинг оилаларини ортда қолдиради», — деб ёзди Клинтон.

АҚШнинг иқлим бўйича битимдан чиқиши ҳақида Дональд Трамп куни кеча, 1 июнь куни маълум қилди.

АҚШ собиқ президенти Барак Обама Трампнинг қароридан афсусда эканлигини маълум қилди. Битим унинг президентлик бошқаруви даврида имзоланган эди. Оқ уй қарорини Ервоиттифоқ ҳам қоралади.