Гёте институти ва Тошкент архитектура-қурилиш институти «Нефтдан кейинги шаҳар. Келажак шаҳри тарихи» кўргазмаси доирасида Тошкентда «Архитектура симпозиуми»ни ўтказади. Бу ҳақда «Дарё»га тадбир мутасаддилари маълум қилди.
Симпозиум замонавий шаҳарни барқарор режалаштириш масалаларига бағишланган. Ўзбек меъморлари ўзларининг немис ҳамкасблари билан бу масалани Ўзбекистонда шаҳар ривожланиши нуқтаи назаридан муҳокама қилади.
Германиялик профессор, архитектор, меъморчилик ва шаҳар қурилиши бўйича кўплаб мақолалар муаллифи доктор Тило Хилперт ва «Тошкент ёдгорликлари топографияси» лойиҳаси координатори Йенс Йордан анжуман меҳмони бўлади.
Симпозиум 3 июнь куни соат 10:00 дан 17:45 гача Тошкент архитектура-қурилиш институти биносида бўлиб ўтади. Анжуман рус ва немис тилларида олиб борилади, кириш эркин тарзда.
Тадбир дастури билан Гёте институти сайти ёки Facebook’даги саҳифаси орқали танишиш мумкин.
Изоҳ (0)