ИШИД жангарилари Мосулдан қочишга уринган етти кишини ўлдирди

ИШИД жангарилари Мосулнинг террорчилар назорати остидаги ҳудудидан қочишга уринган етти кишини ўлдирди, 20 дан ортиқ тинч фуқарони яралади. Бу ҳақда, Reuters’га асосланиб, «РИА Новости» хабар бермоқда.

Айтилишича, Занжили туманидан гуманитар коридор орқали қўлида оқ байроқлар билан чиқиб келаётган тинч аҳоли вакиллари ўққа тутилган.

Полиция ходимининг ахборотига кўра, миномётдан ўққа тутилган 23 киши яраланган ва шифохонага етказилган. Ўнлаб одамлар армия назорати остидаги ҳудудга эсон-омон етиб бора олган.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.