XVIII асрга оид Хитой гулдони 18 млн долларга сотилди

Хитойда император Юнчжэн даврида (1723–1735) ясалган ноёб гулдон Гонконгдаги кимошди савдосида 18 миллион долларга сотилди. Бу ҳақда, Christie’s аукцион уйига асосланиб, «ТАСС» хабар бермоқда.

«Бу Хитой монохром чинниси учун тўланган рекорд нархдир», — маълум қилди сотувлар ташкилотчилари.

Харидорнинг исми ошкор этилмаяпти.

51,8 сантиметр баландликдаги идиш аждар шаклидаги нафис вертикал дасталарга эга бўлиб, бўғзи бамбук пояси қиёфасига эга.