Россия Эстониянинг Санкт-Петербургдаги консули Яанус Кирикмяени ҳамда бош консулликнинг Псковдаги девонхонаси раҳбари Катрин Канарикни нон-грата шахслар деб эълон қилди. Улар мамлакатни беш кун ичида тарк этиши лозим, деб маълум қилади «ТАСС».
«Эстония расмийларининг душманона акцияси муносабати билан 31 май куни Россия ТИВга Эстониянинг Москвадаги элчиси Арти Хилпус чақирилди», — дейилади Россия ТИВ хабарномасида.
Элчига топширилган нотага кўра, икки дипломат тез кунда Россияни тарк этиши лозим.
Илгарироқ Эстония ҳудудидан бир неча россиялик дипломат чиқариб юборилган эди.
Изоҳ (0)