Усмонов Навальнийнинг жавобини Stand up comedy услубидаги чиқишга қиёслади

Миллиардер Алишер Усмоновнинг матбуот хизмати Алексей Навальнийнинг бизнесмен номига йўлланган видео мурожаатига изоҳ берди. Шунингдек, улар янги айбловлар бўлиши мумкинлигини маълум қилди, деб хабар берди «РБК».

Бизнесменнинг фаолияти бўйича тергов олиб бораётган Коррупцияга қарши курашиш фонди чоп этган саволларга Усмоновнинг матбуот хизмати «Навальнийнинг Stand up comedy йўналиши бўйича истеъдодини тан олмасликнинг илож йўқ» дея жавоб берди. Шунингдек, улар мухолифатчининг текшируви «ўртача ҳажвий шоу сценарийсини эслатмоқда» дея маълум қилди.

Усмонов вакиллари «ҳуқуқий сафсатани оммавий пиардан ажратишга» ва янги айбловлар тайёрлашга ваъда беришди.

Шунингдек, уларнинг таъкидлашича, видеороликда тақдим этилган ҳужжатларда инглиз тилидан таржимада ва рус тилида хатоликлар бор.

Алишер Усмонов Навальнийни ёлғончиликда айблаб иккита видеомурожаат эълон қилган эди. Бизнесмен мухолифатчини «Ит юрак» китоби қаҳрамони Полиграф Шариковга қиёслаганди.

Бугун, 30 май куни Москванинг Люблин судида Усмоновнинг Навальний бўйича даъвоси кўриб чиқилади.