Навальний ва Усмоновнинг адвокати суд иши бўйича видеотрансляцияни ёқлаб чиқди. Бироқ судья рад жавобини берди

Люблин туман суди судьяси Марина Васина миллиардер Алишер Усмонов ва сиёсатчи Алексей Навальнийнинг даъво иши бўйича видео ёзувларни ва видеотрансляция ўтказишни тақиқлади. Иккала тараф ҳам суд жараёнини суратга олиш ва трансляция қилишни ёқлаган эди, деб хабар берди Meduza.

Васина суд жараёнини ёритиш учун залда етарлича журналистлар бор эканлигини маълум қилди. «Сиз буни қасддан қиляпсиз», — дея жавоб қайтарди Навальний.

Усмонов йиғилишга келмади, унинг номидан адвокати Генрих Падва иштирок этди.

Йиғилиш бошланишидан олдин Усмоновнинг матбуот хизмати миллиардер Навальнийга нисбатан янги даъво билан чиқиши мумкинлигини маълум қилди. Бунга сиёсатчининг Усмонов ўз бизнесини қуришда дастлабки маблағни қаерган олгани ҳақидаги пости сабаб бўлган.