Французлар жазирама туфайли 300 ўт ўчириш гидрантини синдирди

Франциянинг марказий минтақаси бўлмиш Иль-де-Франсда маҳаллий аҳоли вакиллари жазирама ҳавода ювиниб, тетиклашиш учун 300 та ўт ўчириш гидрантини синдирди. Бу ҳақда BFMTV хабар бермоқда.

Бу каби ўзига хос фавворалар болаларга жуда ёқиб тушди — улар сув ичида ўйнаб, чўмилиб юрди. Аммо маҳаллий ҳокимият вакиллари гидрантнинг синдирилиши аслида маъмурий қоидабузарлик эканлигини эслатиб ўтди.

Бундан ташқари, сув оқимлари туфайли ертўлалар ва ер ости автотураргоҳларни сув босиши мумкин.

Париж ва унинг атрофида охирги кунларда ҳаво ҳарорати 30 даражадан ошмоқда.