Дамашқнинг Барзе кварталини 450 дан ортиқ жангари тарк этди

Қуролли гуруҳларни олиб чиқиб кетишнинг тўртинчи босқичи доирасида Суриянинг Дамашқ шаҳридаги Барзе кварталидан 455 жангаридан иборат гуруҳ чиқиб кетди. Бу ҳақда вилоят ҳокими Алоиддин Иброҳим баёнот берди, деб хабар қилди «РИА Новости».

«Жангариларнинг Барзедан чиқиб кетиши бўйича якуний тўртинчи босқич бўлиб ўтди. 1012 киши, шу жумладан, 455 жангари чиқиб кетди», — маълум қилди у.

Май ойида Дамашқнинг шарқий четида террорчиларнинг Кабун кварталидан чиқиб кетиши якунланган эди. У Дамашқ шарқида террорчиларнинг энг асосий таян қароргоҳи ҳисобланар эди.