АҚШ ҲДК парашютчиси Гудзон бўйлаб сакраш чоғида ҳалок бўлди

АҚШ Ҳарбий-денгиз кучларининг элита парашют гуруҳи аъзоси 28 май, якшанба куни Американинг Жерси-Сити (Нью-Жерси штати) шаҳридаги байрам тадбирида сакраш чоғида ҳалок бўлди. Бу ҳақда Ҳарбий-денгиз кучлари вакиллари маълум қилди, деб ёзади «ТАСС».

Ҳодиса Нью-Йорк қўлтиғи яқинида жойлашган Либерти боғи яқинида юз берди ва Флот ҳафталигига тўғри келди. Номаълум сабабларга кўра ҳарбий хизматчининг парашюти очилмади ва у Гудзон дарёси этагидаги канал сувига қулади.

Исми ошкор этилмаган парашютчи шифохонага етказилди, у ерда шифокорлар унинг ҳалок бўлганлигини қайд этди. АҚШ Ҳарбий-денгиз кучлари ва ҳуқуқ-тартибот органлари суриштирув ўтказмоқда.