«АиФ» 30 йил аввал Литвада туғилган Сиам эгизакларининг бугунги тақдири ҳақида мақола тайёрлади.
Эгизак опа-сингиллар Вилия ва Виталия 1987 йилда Литванинг Алитус шаҳрида туғилган. Она туғуруққача ультратовушли текширувдан ўтмагани учун, краниопаг — бир-бирига бошлари билан қўшилиб кетган Сиам эгизакларини дунёга келтириши ҳақида билмаган.
1989 йил ёзида Москвадаги Бурденко номли илмий-тадқиқот институтида Сиам эгизакларини ажратиш бўйича операция бўлиб ўтди, у қарийб бир кеча-кундуз давом этди. Профессор (бугунги кунда Россия Фанлар академияси академиги) Александр Коновалов қизларга ҳақиқий ҳаёт ҳадя этди. Ноёб операция туфайли Коноваловнинг номи Гиннесснинг Рекордлар китобига киритилди.
Москвадаги операциядан сўнг, опа-сингилларнинг бош суягини ёпиш, уни реконструкция қилиш, пластик операция каби 20 га яқин жарроҳлик аралашувлари талаб этилди.
Бугунги кунда эгизакларнинг ота-онаси ва укаси ҳамон Алитусда яшайди. Қизлар эса ўқиш учун Вилнюсга келиб, шу ерда қолишди. Виталия санъат тарихи бўйича мутахассис, Вилия тарих ўқитувчиси бўлиб етишди. Улар бошқа кўплаб қизлар каби орзусидаги йигитни учратиб, оила қуриш умиди билан яшамоқда. Опа-сингиллар бугунги кунда соғлом, қувноқ ва мафтункор қизлардир. Улар оддий одамлардек яшаб, ишлайди, шаҳарда сайр қилади, саёҳатга чиқади, дўстлари билан учрашади, кино ва театрга боради.
Изоҳ (0)