2019 йилгача Тошкент шаҳридаги 8 та бозор реконструкция қилинади

Ўзбекистон Президенти қарорига мувофиқ, 2019 йилгача Тошкент шаҳридаги бир қатор деҳқон бозорлари реконструкция қилинади. «Darakchi.uz» уларнинг қайси бозорлар эканлигига аниқлик киритди. 

«Тошбозорсавдо» уюшмаси пойтахтдаги 20 та бозор ва савдо комплексларини бирлаштиради. Улардан реконструкция дастурига қуйидагилар киритилди:

1. «Эски Жўва деҳқон бозори» АЖ («Чорсу»);
2. «Олой деҳқон бозори» АЖ;
3. «Миробод деҳқон бозори» АЖ;
4. «Авиасозлар деҳқон бозори» АЖ;
5. «Юнусобод деҳқон бозори» АЖ;
6. «Тошкент қишлоқ хўжалик маҳсулотлари улгуржи бозори» АЖ («Қўйлиқ»);
7. «Сергели деҳқон бозори» АЖ;
8. «Наврўз деҳқон бозори» АЖ.

Жумладан, «Қўйлиқ» бозорида улгуржи савдо учун мўлжалланган гипермаркет, меҳмонхоналар, юк автомобиллари учун тураргоҳлар қурилади. 

Facebook’даги «Ташкент строиця» гуруҳида «Чорсу» бозорида олиб борилаётган реконструкция ишлари фотолари ҳам пайдо бўлди.