Mail.ru Group янги TamTam мессенжерини ишга туширди. Бу ҳақда «Коммерсантъ»га таяниб, «РБК» хабар берди.
У «Одноклассники» ижтимоий тармоғини ўтган йилнинг июлида ишга туширилган «ОК Хабарнома» мессенжери базаси асосида яратилди.
Компаниядагиларнинг таъкидлашича, хабарларни алмашиш учун мўлжалланган янги дастурни ишлаб чиқаришга тўрт ой вақт кетган. Фойдаланувчилар шахсий хабарларда, гуруҳ чатларида мулоқот қилишлари, GIF-анимациялар, шунингдек, суратлар, видеороликлар ва аудиоёзишмалар юбориш имкониятига эга бўладилар. TamTam билан нафақат «Одноклассники»даги дўстлар билан, балки фойдаланувчининг ижтимоий тармоқлардаги саҳифасига обуна бўлганлар билан ҳам мулоқот қилиш мумкин.
Дастур асосчиси ва раҳбари Владимир Кочетковнинг таъкидлашича, дастур ишга туширилиши билан TamTam’нинг компьютерлар учун ҳам версияси пайдо бўлади. У орқали аудио ва видеоқўнғироқларни амалга ошириш мумкин. Mail.ru Group маълумотларига кўра, TamTam’да «‘Одноклассникиъдан рўйхатдан ўтган 290 миллион фойдаланувчининг маълумотлари яхлитланган».
Дастурнинг ўзи бепул ва рекламаларсиз бўлади. Кочетковнинг сўзларига кўра, мессенжернинг асосий жиҳати — «фойдаланувчиларда миллионлаб одамлар орасидан ўз танишини топиш имконияти мавжуд».
Изоҳ (0)