Австралия ҳукумати Афғонистондаги ҳарбий контингенти сонини ошириш масаласини кўриб чиқмоқда. Бу ҳақда бош вазир Малколм Тернбулл Сиднейда журналистларга маълум қилди, деб ёзади «ТАСС».
Бош вазир НАТОдан тегишли сўровнома олганлигини тасдиқлаб, ҳозирги пайтда уни кўриб чиқиш жараёнида эканлигини маълум қилди. «Афғонистондаги кучларимизнинг асосий бўлинмалари маҳаллий ҳарбийларни тайёрлаш ва ўқитиш билан банд ва биз шубҳасиз фаолиятимиз кўламини кенгайтириш бўйича таклифлар учун очиқмиз», — деди у.
Апрель ойи охирида Тернбулл Ироқ ва Афғонистонга қисқа муддатли ташриф буюрган эди. Маълум бўлишича, Австралия бош вазири Қобулда Афғонистон президенти Ашраф Ғани ва АҚШ мудофаа вазири Жеймс Мэттис билан учрашган.
Ҳозирда Афғонистонда 270 га яқин австралиялик ҳарбий хизматчи жойлаштирилган.
Изоҳ (0)