«Бунёдкор»да мавсумдаги энг йирик мағлубият. Бугун ОЧЛда «Локомотив» ўйнайди
Тошкентнинг «Бунёдкор» клуби Осиё Чемпионлар лигасининг 2017 йилги мавсумида ўз тарихидаги энг ёмон натижани қайд этди — 6 та ўйин ва 5 та мағлубият.
Сергей Лушчан билан «қалдирғочлар» кетма-кет тўрт ўйинда мағлуб бўлиб, 4-турдан кейиноқ навбатдаги босқичга чиқиш имкониятини йўқотганди. 5-турдаги ғалаба ҳеч қандай аҳамият касб этмади.
Сўнгги турда «Бунёдкор»ни собиқ мураббий Сергей Лушчан ҳам, амалдагиси Миржалол Қосимов ҳам Амирликларга олиб бормади. Виктор Карпенко ва Хайрулла Каримов билан сафарга отланган Тошкент клуби мавсумдаги энг йирик мағлубиятини қабул қилиб олди — 0:3.
Шу тариқа «Бунёдкор» халқаро майдондаги иштирокини якунлади. 10 майдан эътиборан футболчиларни Миржалол Қосимов шуғуллантиришни бошлайди.
Бугун — 9 май куни «Локомотив» гуруҳ босқичининг сўнгги турини ўтказади. Тошкент вақти билан 20:50 да бошланадиган ўйиндаги ғалабагина «темирйўлчилар»ни навбатдаги босқичга олиб чиқиши мумкин. Қолган ҳар қандай натижа пойтахтнинг бу клубини ҳам турнирдан чиқариб юборади.
Осиё Чемпионлар лигаси «C» гуруҳи. 6-тур 8 май, душанба
«Ал-Айн» — «Бунёдкор» 3:0
Голлар: Носир Аш-Шамроний, 34 (1:0). Умар Абдулраҳмон, 77 (2:0). Иброҳим Диаки, 90 (3:0).«Ал-Аҳли» (Саудия) — «Зоб Оҳан» (Эрон) 2:0
Голлар: Асирий, 63 (1:0). Курдий, 84 (2:0).
