Венесуэланинг Карабобо штати пойтахти Валенсияда ҳукуматга қарши намойишлар давомида 48 та дўкон талон-тарож қилинди. Бу ҳақда «ТАСС» хабар бермоқда.
Шаҳар савдо палатасига кўра, нафақат озиқ-овқат, балки кийим-кечак ва маиший техника дўконларига ҳам ҳужум уюштирилган. Жабрланганлар ва кўрилган умумий зарар тўғрисида маълумот берилмади.
Талончиликдан азият чекаётган сотувчилар ҳуқуқ-тартибот идоралари намойишларни тарқатиш билан чекланмай, тадбиркорлик фаолияти хавфсизлигини ҳам таъминлаши лозимлигини билдирмоқда.
Изоҳ (0)