Нукусда бутун Ўзбекистонни пиёда айланиб чиққан марафончи кутиб олинди

Нукусда пиёда 1300 километр масофани босиб ўтган марафончини кутиб олиш маросими бўлиб ўтди. Бу ҳақда UzNews хабар бермоқда.

Марафон «Халқ билан мулоқот ва инсон манфаатлари йили»га ҳамда соғлом турмуш тарзини тарғиб қилишга бағишланди.

Экомарафон доирасида Абдижаббор Холбоев 25 мартдан бошлаб 1300 километр масофани пиёда босиб ўтди. Унинг ҳаракатланиши Тошкент, Жиззах, Самарқанд, Навоий, Бухоро, Урганч, Нукус йўналишида бўлди.

Экомарафонни ташкил этишдан кўзланган мақсад соғлом турмуш тарзини тарғиб қилишдан иборат бўлди.