«Наманган тумангаз» филиалида ҳудуд назоратчиси бўлиб ишлайдиган Дилшод Воҳидов ва унинг собиқ ҳамкасби Сардор Носировнинг (исм-шарифлар шартли) жиноий қилмишлари фош бўлди. Бу ҳақда «Дарё»га Наманган вилоят ИИБ матбуот хизмати хабар бермоқда.
Икки азамат ўзаро тил бириктириб, Воҳидов хизмат кўрсатадиган «Қўқонқишлоқ» маҳалласидаги 30 нафар фуқарони янги истеъмолчи сифатида рўйхатдан ўтказиш ва фойдаланилган табиий газ учун шахсий ҳисоб варақларига киритишларига ишонтирган.
Шу тариқа 2016 йил 28 ноябридан жорий йил 25 январь кунигача истеъмолчиларнинг 15,7 миллион сўми фирибгарлик йўли билан қўлга киритилиб, шахсий эҳтиёжлар учун ишлатиб юборилган.
Ушбу ҳолат юзасидан туман прокуратураси томонидан жиноий иш қўзғатилди.
Изоҳ (0)