Хитой C919 ҳаво кемасининг илк парвози 5 майга белгиланди

Хитойнинг C919 реактив йўловчи ҳаво кемасининг илк синов парвози 5 майга белгиланди. Бу ҳақда самолётни ишлаб чиққан Хитой тижорат авиацияси корпорацияси (COMAC) маълум қилди, деб ёзади «ТАСС».

Синов Шанхайнинг Пудун халқаро аэропортида ўтказилади.

«Об-ҳаво шароитлари ноқулай бўлса, илк парвоз санаси ўзгартирилиши мумкин», — дейилади компания баёнотида.

Ишлаб чиқарувчилар охирги бир неча ҳафта давомида илк парвоз олдидан бир қатор якуний синовлар ўтказди. Жами 118 та парвозолди синови, жумладан, учиш-қўниш йўлагида турли тезликда бошқариш бўйича синовлар ўтказилган.

C919 2015 йилнинг ноябрида конвейердан чиқди.

«Дарё»нинг Telegram’даги расмий канали — @toshqindaryo’га аъзо бўлинг!