АҚШ яна бир бор қитъалараро баллистик ракетани синовдан ўтказди

АҚШ ҳарбийлари бир неча кун ичида иккинчи марта Minuteman III қитъалараро баллистик ракетасини синовдан ўтказди. Бу ҳақда, Fox News’га асосланиб, «Коммерсант.ru» хабар бермоқда.

Учириш Калифорния штатидаги Ванденберг базасидан амалга оширилди. Ракета 6,4 минг километрдан ортиқ учиб, Маршалл ороллари яқинида Тинч океанига қулади.

26 апрель куни ҳам Minuteman III синовдан ўтказилган эди. Ўшанда ҳам ракета 6,4 минг километр учиб, Маршалл оролларидаги шартли нишонга теккан эди.