Корея Республикасидаги Америка зенит-ракета комплекси THAAD (Terminal High Altitude Area Defense) жанговар навбатчиликка қўйилган ва КХДР ракетасини тўхтатиб қолишга тайёр. Бу ҳақда 1 май, душанба куни Корея Республикасидаги АҚШ қўшинлари қўмондонлиги матбуот хизмати раҳбари полковник Роб Мэннинг маълум қилди, деб ёзади «ТАСС».
Шу тариқа у аввалроқ Америка ва Жанубий Корея ОАВлари томонидан маълум қилинган маълумотларни тасдиқлади.
«АҚШ ва Жанубий Корея кучлари THAAD тизими жанговар шайлик ҳолатида эканлиги ва Шимолий Корея ракеталарини тўхтатиб қолиб, Корея Республикасини ҳимоя қилиш имкониятига эга эканлигини тасдиқлайди», — дейди Мэннинг. У бу мавзудаги бошқа ҳеч қандай маълумотларни келтирмади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)