Фото: Оқсаройда Ислом Каримов ҳайкалини ўрнатиш ишлари бошланди

Тошкентдаги Оқсарой қароргоҳида Ўзбекистоннинг Биринчи Президенти Ислом Каримов ҳайкалини ўрнатиш бўйича лойиҳа ишлари бошланди. Бу ҳақда UzNews хабар бермоқда.

Фотода бўлажак ёдгорлик супаси ўрнатилганини кўриши мумкин. Қароргоҳ ҳудудида ободонлаштириш ишлари ҳам олиб борилмоқда.

Ўзбекистоннинг Биринчи Президенти Ислом Каримов ҳайкалини яратиш бўйича халқаро танловда Ўзбекистон, Туркманистон, Украина, Жанубий Корея, Италия, Австралия ва Германиядан 58 нафар ҳайкалтарош иштирок этди. Жами 68 та лойиҳа тақдим этилди.

Танловда таниқли ҳайкалтарош Илҳом Жабборов ғолиб чиқди. Илҳом Жабборов Тошкентдаги Мустақиллик майдонига ўрнатилган Мустақиллик ва эзгулик монументи ҳамда пойтахт марказидаги Амир Темур ҳайкали муаллифи ҳисобланади.