Британия Brexit’дан сўнг бошқа давлатларга қарши санкциялар жорий этишга имкон берувчи қонунлар устида ишламоқда

Буюк Британия расмийлари мамлакат Евроиттифоқ таркибидан чиққанидан сўнг бошқа давлатларга қарши санкциялар жорий этишига имкон берувчи қонунлар устида ишламоқда. Лондон чекловчи чоралар қўллаш бўйича ваколатларининг аксариятидан Brexit’дан сўнг маҳрум бўлади, дея хабар беради «ТАСС». 

Мамлакат вазирлари ўтган ҳафтада мазкур масаладаги маслаҳатлашувларга киришди. Янги қонун лойиҳаси парламентга 19 июнда бўлиб ўтадиган муддатдан аввалги сайловлардан сўнг киритилиши мумкин. 

Буюк Британия ҳозирда БМТ ва Евроиттифоқ томонидан жорий этилган санкцияларни қўллашга мажбур. Чекловчи чораларнинг кўпчилигини амалга ошириш учун Лондон Европа қонунчилигидан фойдаланади.

Қайд этишларича, мамлакатнинг бир томонлама санкциялар киритиш имконияти чекланган. 

«Дарё»нинг Telegram’даги расмий канали — @toshqindaryo’га аъзо бўлинг!