Тошкентда ниқобли босқинчилар гуруҳи қўлга олинди

Тошкент шаҳар ИИББ томонидан хабар берилишича, 12 апрель тунги соат 02:00 да номаълум шахслар Олмазор туманида яшовчи аёлнинг хонадонига юзларига ниқоб тақиб, бостириб кирган.

Жиноятчилар аёлнинг оёқларини пластик тасма билан боғлаб, 22 миллион сўм ва 600 АҚШ доллари, шу билан бирга, умумий вазни 85 грамм бўлган олти турдаги тилла тақинчоқ ва бир дона iPhone 5S телефонини қўлга киритиб, ҳодиса жойидан яширинган.

Ҳолат юзасидан Жиноят Кодексининг 164-моддаси учинчи қисми «в» банди (босқинчилик жинояти аломатлари) билан жиноий иш қўзғатилган.

Олиб борилган тезкор тадбирлар натжасида жиноятни муқаддам судланган Дилшод Нуриддинов, Муҳаммад Абдуҳамидов, Маъмуржон Ирисметов, Сардор Тўйчибоев содир этгани аниқланган.

Жиноятчилар қўлга олинган ва уларга нисбатан қамоққа олиш эҳтиёт чораси қўлланилган.

Бундан ташқари мазкур жиноий гуруҳ аъзолари 8 апрелда Шайхонтоҳур тумани ҳудудидаги хонадонлардан бирига бостириб кириб, босқинчилик содир этгани аниқланган ва бу ҳолат бўйича ҳам тергов ҳаракатлари олиб борилмоқда.

Тошкент шаҳар ИИББ фуқаролардан, агар кимдир мазкур шахслардан жабр кўрган бўлса, ички ишлар идораларига хабар беришни сўрайди.

«Дарё»нинг Telegram’даги расмий канали — @toshqindaryo’га аъзо бўлинг!