Ўзбекистонда жорий йилда «Ўлмас полк» акцияси ўтказилмайдиган бўлди. Бу ҳақда, акциянинг расмий сайтидаги ахборотга асосланиб, «РБК» хабар бермоқда.
«Қадрдон ўзбекистонликлар! ‘Ўлмас полк’ юриши жаҳонда юзага келган мураккаб сиёсий вазият туфайли жорий йилда амалга оширилмайди. Биз бу расмийларимизнинг тўғри қарори деб ҳисоблаймиз, негаки бизга иккинчи Питер керак эмас», — дейилади эълонда.
Ўзбекистондаги «Ўлмас полк» акцияси ташкилотчилари тадбирни ёдгорликни зиёрат қилиш шаклида ўтказадиган бўлди. Акция координатори Амир Моллахнинг сўзларига қараганда, ташкилотчилар ушбу қарорни тўғри деб ҳисоблайди. Шу муносабат билан иштирокчилар «Биродарлик қабри» боғидаги маъсум она ёдгорлиги пойига гул қўйиш билан чекланади. Кейинроқ Тошкентдаги мажлис залларидан бирида улар фахрийларни табриклаб, байрамона концертга ташриф буюради.
«Ўлмас полк» акцияси 2012 йили халқ ташаббуси сифатида Томскда бошланган эди. Кейинчалик у бутун Россияда ҳамда қатор бошқа давлатларда ўтказила бошланди.
Изоҳ (0)