Энергетик ичимликларнинг асосий хавфи маълум қилинди

Америкалик олимлар энергетиклар (қувват берувчи ичимликлар) таркибида кофеин бўлган ичимликлар орасида энг хавфли эканини аниқлади. Тегишли тадқиқот натижалари Journal of the American Heart Association журналида эълон қилинди, деб хабар бермоқда АҚШ кардиология ассоциацияси.

Мутахассисларнинг хулоса қилишича, энергетиклар икки соат давомида QТ оралиғини ўртача 10 миллисекундга оширади.

Миллисекундларда ўлчанадиган мана шу вақт оралиғи жуда қисқа ёки жуда узоқ бўлса, юрак нормал бўлмаган ҳолатда ура бошлайди ва бу ҳаёт учун хавфли бўлиши мумкин.

Эмили Флетчер, тадқиқот ҳаммуаллифи

Тадқиқотда икки гуруҳга бўлинган 18 нафар кўнгилли иштирок этди. Улар олти кун давомида ҳар куни 0,95 литр энергетик ичимлик истеъмол қилди. Кўнгиллиларнинг юракдаги электр фаоллиги электрокардиография ёрдамида ўлчанди. Переферик ва марказий қон босими 1, 2, 4, 6 ва 24 соатдан кейин ўлчанди.Тадқиқот муаллифлари энергетик ичимликларга эҳтиёткор муносабатда бўлишга чақирмоқда. Аммо, шу билан бирга, муаллифлар кўнгиллилар сони кам бўлгани учун энертегик ичимликлар зарари ҳақида якуний қарор қабул қилишга йўл қўймаслигини тан олди.

«Дарё»нинг Telegram’даги расмий канали — @toshqindaryo’га аъзо бўлинг!