Британияда аукционга қўйилган қишлоқ сотилди

Буюк Британиянинг Норт-Йоркшир графлигида жойлашган Уэст Хэслертон қишлоғи сотилди. У 2016 йилда 20 миллион фунт (26 миллион долларга яқин) бошланғич қиймат билан сотувга қўйилган эди. Бу ҳақда «Корреспондент.net» хабар бермоқда.

Қишлоқда 43 та уй, бундан ташқари, 21 хона ва 2 116 акр ер майдонига эга бўлган катта ҳовли-жой мавжуд.

150 йил давомида қишлоққа битта оила эгалик қилган. 2010 йилда қишлоқнинг охирги эгаси 84 ёшли Ив Дануэй вафот этгандан сўнг аҳоли пункти сотувга қўйилди. Унинг меросхўрлари мулкдан қутулишга қарор қилди.

Albanwise инвестиция компанияси қишлоқнинг янги эгасига айланди. Уэст Хэслертон қишлоғи сотилган якуний қиймат маълум қилинмади.

Қишлоқ ҳар йили 388 минг фунтга яқин даромад келтиради. «Дарё»нинг Telegram’даги расмий канали — @toshqindaryo’га аъзо бўлинг!