Дўконга шифтдаги тешик орқали кирган ўғри ундан қайтиб чиқа олмади (видео)

АҚШнинг Луизиана штати Янги Орлеан шаҳрида номаълум эркак кийимлар дўконига шифтдаги тешик орқали кирди. Бироқ кутилмаганда ишлаб кетган сигнализация ўғрининг режаларини бузди. Шундан сўнг эркак ортга қайтиш йўлини излай бошлади, деб ёзади TJournal.

Ўғри арқон орқали дўконга кирган эди ва шу йўл билан чиқиб кетмоқчи бўлди. Аммо сирпаниб, ўз мақсадига эриша олмади. Эркакнинг бир неча уриниши самарасиз якунланди.

Самарасиз уринишлардан сўнг ўғри дўкондаги захира эшигини топиб, ҳеч нарса тунамасдан ўша ердан чиқиб кетди. Хабар беришларича, қонунбузар шахс полиция томонидан қидирувга берилган.

«Дарё»нинг Telegram’даги расмий канали — @toshqindaryo’га аъзо бўлинг!