Узоқ йиллик танаффусдан сўнг яна саҳнага қайтган ва айни кунларда шифохонада даволанаётган Руслан Шарипов «Darakchi.uz» нашрига берган интерюсида унинг ижодга қайтишида кўмак берган инсонлар ва келажак режалари ҳақида гапирди.
2000 йил яхши бир инсон билан танишган эдим. Орадан 16 йил ўтиб, у билан яна учрашиб қолдик. Бугун оилам ва Муҳаббат ҳожи она (Раҳимовлар оиласи)нинг ёрдамида ўзимга келяпман. Насиб қилса, муолажаларни тўлиқ олиб, менга билдирилган ишончни оқлашга астойдил ҳаракат қиламан. Ҳали ҳаммаси яхши бўлишига ишонаман. Мавриди келганда яна бир маълумотни айтиб ўтмоқчи эдим, санъаткорлар, журналистлар ичида ҳам мен учун қайғурган, ҳурмат қилиб ижодимни кутганлар борлигидан қувондим. Масалан, бир неча ой олдин Юлдуз Усмонова билан учрашиб қолдик. «Бўлди, ўзингни қўлга ол. Мендан нима ёрдам керак бўлса, тайёрман», деди. Бундан ташқари, яккахон концерт дастурига таклиф этганди, афсуски, саломатлигим туфайли қатнашолмадим. Концертда жонли ижрода куйлаш керак. Аммо йиллар давомида бироз зиён етган овозни созлаш учун менга вақт керак. Бироқ келажакда Юлдуз Усмонова билан албатта, яна ҳамкорлик қилишимизга ишонаман.Ўз режалари ҳақида гапирар экан бастакор бундан буён ўзи ва оиласи учун яшашини алоҳида таъкидлади.Руслан Шарипов, Ўзбекистонда хизмат кўрсатган артист, хонанда
Режаларим жуда кўп. Соғлигим тиклангач, ижодимни йўлга қўяман. Кимлардир учун эмас, ўзим учун қўшиқ ёзишни истайман. Яқиндагина бир танишим келиб, қўшиқ ёзиб беришимни илтимос қилди. Рад этдим. Унга ҳам «Энди худбин инсонга айланишга аҳд қилдим», дедим. Бу ҳазил эмас, келажагимнинг ҳақиқати. Ростдан ҳам бировларнинг келажагини ўйлашни истамайман. Яна бир мақсадим — фарзандларимнинг келажаги. Икки қизимда ҳам иқтидор бор. Камила ҳозир Эстрада ва цирк коллежида таълим оляпти. Овоз имкониятларини эшитиб, хурсанд бўламан. Бир-икки йил ичида у билан шуғулланиб, қизларнинг янги гуруҳини тузишни режалаштирдик. Ўйлайманки, унинг келажаги порлоқ.Хонанда суҳбат чоғида концерт бериш режаси борлиги ҳақида ҳам гапирган.Руслан Шарипов, Ўзбекистонда хизмат кўрсатган артист, хонанда
«Шундай ниятимиз ҳам бор. Бу концерт яккахон тарзда бўлмайди. Унда бугуннинг энг ёрқин хонандалари ҳам иштирок этади. Катта шоу узоқ йиллик танаффусга яхши жавоб бўлади», — деган хонанда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)