Исландия эртаклардаги мўъжизавий мамлакатлардан ортда қолмаслигини исботловчи 10 та сурат (фотогалерея)

Ҳамма Исландия ҳақида эшитган, аммо саноқли кишиларгина бу мамлакатни бориб кўрган. AdMe ушбу ажойиб юртнинг гўзаллигига мафтун бўлган ҳолда, Исландия — жозибали шимол мўъжизаси эканлигини исботловчи далилларни келтириб ўтди.

Ушбу мамлакатнинг энг яққол афзаллиги — унинг табиати. Бу ерда шаршаралар, дарёлар, тоғлар — сероб.

Масалан, бу ерда машҳур Деттифосс шаршараси жойлашган, у Европада энг шиддатли шаршара ҳисобланади.

Исландия табиати анча совуқ, шунинг учун маҳаллий аҳоли ўз имкониятига қараб, шаҳар ландшафтига бўёқларни ўзлари қўшади. Айниқса, бу пойтахт Рейкьявикка тааллуқли.

Исландияликлар меъморчиликда янгиликларга қўл уришдан қўрқмайди. Бундай «довюраклик» намунаси — Хадльгримскиркья черкови.

Анъанавий уйлар эса мана бундай кўринишга эга.

Исландия — ҳақиқий қора пляжлар бўйлаб юриш мумкин бўлган дунёдаги саноқли жойлардан бири.

Бу ерда жуда гўзал Шимол ёғдусини кўриш мумкин.

Исландияда қайиқ ва катерларда ўтириб, китларни кузатиш мумкин.

Исландиянинг расмий рамзлари — буқа, дев, грифон ва аждар. Норасмийлари эса — совуқ ва тупик номли кулгили қушча.

Исландияликлар ҳар қандай турдаги деворлар ва тўсиқларни жуда яхши кўради.