Ташқи меҳнат миграцияси масалалари агентлиги раҳбари Улуғбек Назаров ўз лавозимидан озод этилди. Бу ҳақда агентлик вакиллари «Дарё»га маълум қилди.
Унинг ўрнига ҳозирча ҳеч ким тайинланмаган. «Истеъфо ҳақида тез орада расман ахборот берилади», — дея таъкидлади агентлик вакили «Дарё»га.
Аввалроқ Жанубий Кореяда ишлашни истовчиларни рўйхатга олиш бўйича агентлик март ойи охири ва апрель ойи бошида ўтказган тадбир натижалари бекор қилингани ҳақида ахборот берилган эди.
Мавзуга доир: Миграция агентлиги ўтказган Жанубий Кореяда ишлаш истагидаги фуқароларни рўйхатга олиш натижалари бекор қилинди
Расмий ахборотга кўра, рўйхатга олиш ва анкета тўлдириш жараёни «янада юқори техник имкониятлар ва киберҳужумлардан муҳофаза этилган ҳолда, янгича мукаммаллаштирилган тартибда қайтадан» ўтказилади.
«Рўйхатга олиш санаси ва тартиби ҳақида қўшимча маълумот берилади», — дейилади агентлик ахборотида.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)