«Ўзэкспомарказ»да 21 апрель, жума куни «MyJob.uz» тармоғи ва «Карьера+» газетаси томонидан ташкил этилган JobFair 2017 10-махсус юбилей вакансиялар ярмаркаси ўтказилади. Бу ҳақда «Дарё»га тадбир ташкилотчилари маълум қилди.
Jobfair 2017 шерик-қатнашчилари қаторида Ucell, Enter Engineering, HR Capital Consulting, Мakro супермаркетлар тармоғи, Artel, Hyatt Regency Tashkent, Hyundai Engineering ва ITV қайд этилган.
Ярмакада иштирок этадиган компаниялар вакиллари Рауфхон Салахўжаевнинг «Эволюцион психология. Менежмент, муваффақият, омад» мавзусидаги тренинг-семинарида иштирок этиши, бошқа қатнашчи-компаниялар билан шериклик алоқалари ўрнатиши, ўзларида мавжуд бўш иш ўринлари ҳақидаги маълумотларни тақдим қилиш, малакали ходимларни танлаб олиш, кадрлар захирасини шакллантириши мумкин.
Иш изловчиларга эса тадбирда меҳнат бозоридаги мавжуд ҳолатни ўрганиб, вакансиялар билан танишиши, ўзига маъқул келган компанияда дастлабки интервьюдан ўтиб, резюме қолдириш имконияти яратилади.
24—28 апрель кунлари вакансиялар ярмаркаси www.jobfair.uz сайтида онлайн тартибига ўтади ва ходимларни танлаб олиш ҳамда ишга жойлашиш имконияти янада кенгаяди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)