Сурияда жангарилар ҳужуми оқибатида россиялик икки ҳарбий хизматчи ҳалок бўлди. Бу ҳақда Meduza хабар бермоқда.
Ҳалок бўлганларнинг ҳар иккиси шартнома асосида Сурия қуролли кучлари сафида инструкторлик қилаётган хизматчилар бўлган.
Россия Мудофаа вазирлиги ахборотида қайд этилишича, улар миномёт ўқлари ёмғири остида қолган. Улар билан бирга бўлган россиялик ҳарбий маслаҳатчи яраланган.
Россия 2015 йил кузидан бери Сурияда ҳарбий кампания олиб бормоқда. Россиялик ҳарбийлар президент Башар Асад кучларини қўллаб-қувватламоқда.
Расмий маълумотларга кўра, Сурияда умумий ҳисобда 30 дан зиёд россиялик ҳарбий ҳалок бўлган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)