Миср армияси тузилмалари Синай яриморолида амал қилаётган экстремистик гуруҳларнинг етти нафар жангарисини йўқ қилди. Бу ҳақда Миср Қуролли кучлари вакили маълум қилди, деб ёзади «ТАСС».
Маълум қилинишича, ҳукумат кучлари отрядлари Шимолий Синай вилояти маркази ал-Ариш шаҳри яқинида қуролланган радикаллар гуруҳи билан жанговар тўқнашувга киришган.
Террорчилик гуруҳлари тарафдорларидан етти нафари йўқ қилинган. Армия вакили операция давомида мисрлик икки нафар ҳарбий хизматчи жароҳатланганлигини таъкидлади.
Миср армияси полиция билан ҳамкорликда бир неча йилдан буён Синайнинг шимолий туманларида экстремистларга қарши кампания ўтказмоқда.
«Дарё»нинг Telegram’даги расмий канали — @toshqindaryo’га аъзо бўлинг!