Кейинги тўрт йил давомида ишлаб чиқариладиган Koenigsegg гиперкарларининг бари ҳозирданоқ сотиб бўлинди. Бу ҳақда компания раҳбари Кристиан фон Кёнигсегг маълум қилди, дея хабар бермоқда «Мотор».
«Ҳозирги вақтда бизнинг автомобилларимиз учун юзага келган навбат тўрт йилни ташкил этади. Бироқ биз муддатни қисқартиришга ҳаракат қиляпмиз, чунки харидор ўзи хоҳлаган машинани тўрт ёки беш йилдан сўнг қўлга киритиши бу автомобиль савдосини янада қийинлаштиради. Орадан шунча вақт дунё қандай бўлишини ҳам билмаймиз ҳатто», — деди Кёнигсегг.
Унинг қўшимча қилишича, ҳозирда компания навбатни икки—икки ярим йилгача қисқартириш устида иш олиб бормоқда. Бунинг учун жорий йил охиригача автомобиль ишлаб чиқариш ҳажмини йилига 25 тагача, келаси йилдан бошлаб эса 30 тагача ошириш керак бўлади.
Koenigsegg’нинг моделлар қаторидан Regera ва Agera SS автомобиллари, шунингдек, атиги етти нусхада ишлаб чиқарилган ва 1341 от кучига эга One 1 машинаси ўрин олган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)