Американинг Apple корпарацияси RED хайрия лойиҳаси билан ўзаро ҳамкорликка ўн йил тўлиши муносабатига iPhone 7 ҳамда iPhone 7 Plus’нинг янгиланган моделини тақдим этди, дея хабар берди «Коммерсантъ».
Apple’нинг пресс-релизида iPhone 7 ҳамда iPhone 7 Plus RED Special Edition моделлари 128 GB ёки 256 GB’ли бўлиши кўрсатилган. Смартфон 24 мартдан сотувга чиқади. АҚШда янги моделнинг нархи 749 доллардан бошланади.
Бундан ташқари, компания iPad планшетлар линиясини ҳам янгилади. Эндиликда 9,7 дюмли дисплейга эга iPad’ни харид қилиш мумкин.
Қурилманинг қалинлиги 7,5 миллиметр, экран ўлчамлари — 2048х1536 пиксел. Янги планшетнинг процессори A9, асосий камераси 8 мегапиксел, фронтал камераси 1,2 мегапиксел. Бу Apple тарихидаги энг арзон планшет. 32 GB хотирага эга iPad 329 доллар, LTE тизимига эга модель 459 доллар туради.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)