АҚШ Сурия ва Ироқда хавфсизлик ҳудудларини ташкил этиш устида иш олиб боради

АҚШ давлат котиби Рекс Тиллерсон Вашингтоннинг Сурия ҳамда Ироқдаги ИШИД ва«Ал-Қоида» террорчилик ташкилотларига босим ўтказишни кучайтириш борасидаги режасини эълон қилди, дея хабар беради «Коммерсант.ru».

Режага кўра, жанг бўлаётган ерлардан қочоқларни олиб чиқиш учун АҚШ ушбу давлатларда хавфсизлик ҳудудларни ташкил этади.

«АҚШ ИШИД ҳамда ‘Ал-Қоидаъга босим ўтказишни кучайтиради ҳамда жангни тўхтатиш ва қочоқларнинг уйига қайтишига имкон берувчи ички барқарор ҳудудларни ташкил этади», — деди АҚШ давлат котиби.

БМТ Сурияда қочоқлар учун хавфсизлик ҳудудларни ташкил этишни таваккалчиликка асосланган ҳамда мураккаб иш, деб ҳисобламоқда. Тегишли ҳудудларни ташкил этиш режаси ҳақида биринчи бўлиб АҚШ президенти Дональд Трамп эълон қилган эди.

Шу йўл билан Трамп АҚШга қочоқларнинг оқиб келиши олдини олмоқчи, акс ҳолда улар «қайсидир жабҳада мамлакатни вайрон қилмоқчи», дея ҳисоблайди Трамп.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.

«Дарё»нинг Telegram’даги расмий канали — @toshqindaryo’га аъзо бўлинг!