Қорақалпоғистонда ҳоким ўринбосарларига 47 та Nexia топширилди
Қорақалпоғистон Республикаси шаҳар ва туманлар ҳокимликларида жами 62 та ҳоким ўринбосари лавозими жорий этилган. Бу ҳақда «KRuz.uz» хабар бермоқда.
Жумладан, барча шаҳар ва туман ҳокимларининг иқтисодиёт ва тадбиркорлик масалалари бўйича биринчи ўринбосарлари, саноатни ривожлантириш, капитал қурилиш, коммуникациялар ва коммунал хўжалиги масалалари бўйича ўринбосарлари, ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари лавозимлари учун 47 та штат бирлиги ажратилган.
Ўзбекистон Президенти томонидан қабул қилинган «Давлат бошқаруви ҳудудий органлари фаолиятини янада такомиллаштириш ва ходимларини моддий рағбатлантириш чора-тадбирлари тўғрисида»ги қарори асосида ҳоким ўринбосарларини автомашина билан таъминлаш ишлари олиб борилди. Улар учун 47 та Nexia LT ажратиб берилди. «Дарё»нинг Telegram’даги расмий канали — @toshqindaryo’га аъзо бўлинг!
