АҚШ президенти Дональд Трампнинг ИШИДга қарши кураш бўйича лойиҳаси ундан аввалги президент Барак Обама режасидан кўп фарқ қилмайди. Бу ҳақда, ҳужжат билан танишиб чиққан икки юқори мансабдор ахборотига таяниб, NBC маълум қилмоқда, деб ёзади «РБК».
Лойиҳа АҚШ бошчилигидаги коалиция томонидан жангарилар позицияларини бомбардимон қилишни давом эттириш, маҳаллий кучлар Мосул ва Раққа устидан назоратни ўзларига қайтариши учун уларни қўллаб-қувватлашни кучайтиришни кўзда тутади.
Режа, шунингдек, ИШИДни даромад манбаларидан маҳрум қилиш ва жангарилардан қайтариб олинган ҳудудларда барқарор вазият ўрнатишни илгари суради.
Нашрнинг таъкидлашича, Пентагон Трампга тақдим этган режа Трампнинг Обама маъмурияти устидан кулишига сабаб бўлган террорчиликка қарши босқичма-босқич кураш олиб бориш бўйича ташаббусларидан кўп фарқ қилмайди.
Икки юқори мансабдор телеканал билан суҳбат давомида белгиланган чоралар Америка президентининг ИШИДни тўлиқ йўқ қилиш ва буни тезда амалга ошириш ҳақидаги ваъдасини бажариш учун етарли бўлмаслиги мумкинлигидан хавотирда эканлигини маълум қилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)