14 ёшли ўсмир Арканзасдаги «Олмос кратер» боғидан 7,44 қиротли олмос топиб олди

14 ёшли Калел Лэнгфорд Арканзасдаги (АҚШ) «Олмос кратер» боғидан 7,44 қиротли олмос топиб олди. Бу ҳақда «РБК» хабар бермоқда. 

Калелнинг олмоси боғда 1972 йилдан бери топилган катталиги бўйича еттинчи, 2015 йилдан бери эса биринчи қимматбаҳо тош бўлди.

Йигитча қидиришни бошлаганидан атиги ярим соат ўтиб олмосни аниқлашга муваффақ бўлгани билдирилмоқда. Олмосга «Супермен» дея ном берилди.

Маълумот учун, боғда илк бор олмос топилган 1906 йилдан бери ҳудудда 75 мингта қимматбаҳо тош аниқланган. «Дарё»нинг Telegram’даги расмий канали — @toshqindaryo’га аъзо бўлинг!