Дамашқ Адлия саройидаги теракт оқибатида 35 киши ҳалок бўлди

Сурия пойтахти Дамашқ шаҳрида жойлашган Адлия саройида 15 март куни содир бўлган теракт оқибатида ҳалок бўлганлар сони 35 нафарга етди. Бу ҳақда «ТАСС» хабар бермоқда.

Террорчи-худкуш Дамашқнинг қадимий қалъасида жойлашган Ҳамидия бозори яқинидаги Адлия саройида портлаш уюштирган.

Хабарга кўра, террорчи харбий кийимда бўлганлиги учун биринчи хавфсизлик кордонидан ўтишга муваффақ бўлган.

Аммо у ичкарига киришга ҳаракат қилганида, хавфсизлик хизмати ходимлари уни текшириш мақсадида тўхтатишган.

Шунда худкуш ўзини олдинга — одамлар орасига ташлаб, портловчи қурилмани ҳаракатга келтириб юборган.

Маълумот учун, 15 март куни Дамашқда кетма-кет портлашлар юз берди. Адлия саройидаги терактдан ташқари, шаҳарнинг яна учта нуқтасида худкушлар ўзини портлатган.

Қолган портлашлар бўйича жабрланувчилар ва қурбонлар ҳақида ҳозирча расмий маълумотлар йўқ.

«Дарё»нинг Telegram’даги расмий канали — @toshqindaryo’га аъзо бўлинг!